السلام عليكم ورحمة الله وبركاته
طبعا مفيش حد فينا مبيحبش أو مبيكرهش !!..
مش اقصد هنا الحب بين شاب وفتاة بس.. "انا بتكلم عن حب اي شئ أو كره اي شئ"..سواء أكان شخص أو شي محسوس أو ملموس .. هل فعلا زي ما كلنا بنقول ومعروف عندنا اننا بنحب بقلبنا ؟؟؟؟!..هل فعلا ده صح وعقلنا ملهوش علاقة بالحب والكره !!!..وايه فكرة صراع القلب والعقل في الحب !!وأيهما اصدق القلب ام العقل ؟🤔..وايه تأثير الحب علي العقل 🤔🤷**هذا ما سوف نتعرف عليه في هذه المقالة وهنعرف من هو سيد القرار القلب ام العقل 💪♥️...."وان شاء الله المعلومة توصلكوا بطريقة سهلة وبسيطة ""
بداية كده لازم نعرف ان العقل بيحتوي علي حوالي من 86 الي 100 بليون من الخلايا العصبية (neurons)..وكل خلية من هذه الخلايا بتحتوي علي حوالي من 1000 الي 10000 تشابكات عصبية (synapses)..وبالتالي فان العقل يتحوي علي حوالي مئات التريليونات من هذه التشابكات..فالعقل تركبية غربية ومعقدة تستحق منا التامل في عظمة الله عز وجل علي هذه النعمة التي فضلنا بيها علي الحيوانات..
في سنة 450 قبل الميلاد قال أبقراط (عظيم الطب أبو الطب كله) في كتاب دونه "ان المشاعر والاحاسيس تنبثق من العقل".. ولكن مع مرور الزمن- لاحظنا التغيرات التي تحدث في قلبنا عندما نشعر بشئ جميل شئ نحبه..فصار الاعتقاد ان القلب هو مصدر الحب مصدر السعادة ومصدر الأحاسيس في حياتنا..هل هذا صحيح ؟؟
الاجابة علي هذا السؤال الذي دارت عليه اقاويل كثيرة..
ان الحب حالة يصنعها العقل وان القلب ماهو الا مجرد عضلة تقوم بضح الدم للجسم وليس لها علاقة بالاحاسيس والمشاعر..طب ايه السبب في الاشياء التي نحس بها في القلب عندما نحب شئ او نكره مادام القلب لسه له اي دخل في المشاعر؟!!
الحقيقة ان السبب في ده كله هو العقل عندما يري الشخص شئ يحبه او يحس بشئ يحبه اي شئ يشعر الشخص بالسعاده..
العقل في ذلك الوقت يقوم بافراز مواد كيميائية وناقلات عصبية في منطقة التشابكات العصبية زي الدوبامين والسيرتونين "هرمونات السعادة" هذه المواد تقوم بعمل اشياء في الجسم تؤدي وظيفتها وهي اشياء عديده لا نستطيع ان نتدرك اليهل في هذا الموضوع حتي لاأطيل عل حضراتكم ..
ولكن من ضمن الأشياء التي يقوم بيها تغيرات في القلب وديه ناتجة عن تحفيز الاعصاب المحطية والتي تغذي القلب(Stimulation of nerves) زي :
1.خفقان في القلب (Heart palpitations): وهو شعور برفرفة القلب او الدق السريع
2.ضربات القلب السريعة (Tachycardia)
ودول الاعراض اللي بسببها ديما المثل يتقال "انا قلبي بيطير وبيرفرف من الفرحة"
3.زغللة بسيطة في العين
4.توتر لحظي ايجابي
5.لرعشة وبرودة في اليد ..وعشان كده ديما يقولك"انا جسمي تلج من كتر الفرحة"
فكل الاسباب ديه وغيرها سببها المواد الكيميائية اللي فرزها العقل
ففي النهايه: الحب شئ جميل في حياتنا وهو سبب لبقاء الحياة ونعمة وفضل من الله
ولكن مش مصدره القلب زي ماكلنا كنا فاكرين ..الحب وغيره من المشاعر مصدرها الرئيسي العقل (The master of everything in our body)..
وده كده اجابة علي سؤال صراع القلب والعقل في الحب ؟؟ باختصار شديد جددا
ويااارب يكون الكل استفاد وطلع بمعلومة مفيدة..
وكماان ان بكرة عيد الحب فمتبقاش عارف بقاا بتحب بعقلك ولا بقلبك ...
واللي عنده اي سؤال او استفسار او طلب او رأي سواء اكان ايجابي او سلبي او اي ملحوظة يقدر يسبها في الكومنتات وانا هرد عليها ان شاء الله
والسلام عليكم ورحمة الله
![بينترست](http://pinterest.com/pin/create/button/?url=https://medicalonline23.blogspot.com/2020/02/love-by-heart-or-brain.html&media=https://blogger.googleusercontent.com/img/b/R29vZ2xl/AVvXsEjmsCiaVBv5Dqx7uBfMaGWZsbJ7ODYYxzJLFXDYlm5X7Eu9CGnB7MeScFu6tSYJ4KxAFWpzI15LIXxrxqWVgm3dBFrlPZED5XuOt2LJ5yW-c7RPhVI9_EU9NA1g2e1WlVsM2voxVkcnvXTA/s72-c/images+%252823%2529.jpeg&description= السلام عليكم ورحمة الله وبركاته طبعا مفيش حد فينا مبيحبش أو مبيكرهش !!.. مش اقصد هنا الحب بين شاب وفتاة بس.. "انا بتكلم عن حب ...){kind=link}
تعليقات: 0
إرسال تعليق