التوتر ونقص المناعة وأنواع المناعة الطبيعية والمكتسبة
مالك ياسحبي مضايق ليه ؟!
ياعم من اللي احنا فيه؛ كل شويه اخبار ووفيات عن فيروس كورونا والواحد خلاص مبقاش مستحمل ومفيش علاج والكل بيموت.
طب التوتر والقلق ده مش هيفيدك ومش هينفع بحاجة في الموضوع ده بالعكس ده هيضرك.
ازاي يعني هيضرني ؟!
متعرفش مقولة ابن سينا "الوهم نصف الداء والاطمئنان نص الدواء والصبر اول خطوات الشفاء.
فهناقش النهاردة نبذه مختصره عن الجهاز المناعة وعلاقة التوتر بنقص المناعة.
مكونات جهاز المناعة :
جهاز المناعة بيتكون من ملايين مليارات الخلايا اللي بتسبح في مجري الدم. مهمتها الأساسية الدفاع عن الجسم ضد أي جسم غريب...
أنواع المناعة الطبيعية والمكتسبة :
النوع الاول : المناعة الطبيعية "Innate Immunity"
وديه خط الدفاع الأول في جسمنا ضد أي جسم غريب يهاجم جسمنا زي الجلد والأغشية المخاطية اللي بتغلف خلايا الجسم وغيرها من الأمثلة.
المناعة الطبيعية :
وظيفتها مقاومة أي جسم غريب وديه غير مخصصة لنوع معين من الأجسام الغريبة "not specific for specific Antigen"
النوع الثاني :المناعة المكتسبة "adaptive immunity"
وديه المناعة المتخصصة في جسمنا ووظيفتها التخلص وحاربة الأجسام الغريبة وديه قادرة علي تكوين خلايا الذاكرة "memory cell" بحيث لو اتهاجمهت بنفس الجسم الغريب تاني هيكون رد فعلها سريع وأعنف من أول مرة.
انواع المناعة المكتسبة :
ده النوع الأهم في جسمنا ويتكون من نوعين من الخلايا الليمفاوية:
*الخلايا الليمفاوية ب "B lymphocyte "
*الخلايا الليمفاوية ت "T lymphocyte "
التوتر ونقص المناعة :
ده النوع اللي هيأثر عليه التوتر طب ليه ؟
التوتر بينتج عنه العديد من الهرمونات وخاصة الكورتيزون "corticosteroids " وده قادر علي خفض كفاءة جهاز المناعة بتقليل عدد خلايا جهاز المناعة.
اثار التوتر والقلق :
كمان التوتر ممكن يؤثر علي جهاز المناعة بطريقة غير مباشرة عن طريق أنه يخلي الإنسان يلجأ إلي أمور من أجل تهدئة نفسه فيتعاطي السجائر والشيشة ويشرب الكحول لغرض تهدئة أعصابه. وده كله يؤثر سلبيا علي جهاز المناعة.
الاعراض الجسدية للتوتر :
كمان التوتر مرتبط بالعديد من الأمراض التي من الممكن أن تصيب الإنسان زي الصداع "headache" والأمراض المعدية وأمراض القلب والسكر وفرحة المعدة وغيرها من الامراض..
ماذا يحدث للجسم عند التوتر :
هناك دراسة أثبتت علاقه التوتر بخفض عدد خلايا الجهاز المناعي. حيث أجريت عام ١٩٨٤ علي ٧٥ طالب من طلاب الفرقة الأولي بكلية الطب.
حيث تم أخذ عينات دم من هؤلاء الطلاب لدراسة نشاط وعدد الخلايا تحت تأثير التوتر فكانت أول عينة قبل الامتحان النهائي بشهر والثانية أثناء الامتحان داخل اللجنة.
كما أعطوا لهؤلاء الطلاب استبيانات لحلها يسألون فيها عن حياتهم الشخصية والشعور بالوحدة وغيرها لدراسة سلوكهم النفسي.
النتيجة لقوا أن عدد الخلايا كان منخفض جدا في عينة اثناء الامتحان عن عينة قبل الامتحان. وكمان لقوا أن كل طالب يواجه العديد من المشاكل أي أنه يعيش في حياة تحت ضغط نفسي.
والخلاصة أن التوتر يؤدي إلي نقص المناعة علميا وعمليا. التوتر والمرض النفسي الخطر الصامت والقاتل الصامت الذي يجب أن نأخذ حذرنا منه.
علاج التوتر :
*تعمل تمرينات "relaxation "زي التامل كده "meditation "
*تفكر تفكير إيجابي في حياتك وان بكرة احسن ونحاول نغير عاداتنا اللي بتحلينا محطوطين تحت ضغط
*والحافز الاجتماعي وتكوين علاقات جديدة حيث اكتشف الباحثون أن الناس الذين لهم علاقات كويسة أن صحتهم علي ما يرام ويستطيع جهازهم المناعة مقاومة الأمراض.
وطبعاااا ده كله بعد الإيمان بربنا احسن الايمان هو افضل علاج.
ففي النهاية ابعد عن التوتر قدر الإمكان. اعتبره عادة سيئة لابد من التخلص منها في اسرع وقت.
تعليقات: 0
إرسال تعليق