أسباب الدوخة والدوار وماهي أعراض الدوار والدوخة وعلاج الدوار والدوخة

الدوخة والدوار

"Dizziness & vertigo"

الدوخة والدوار من اكتر الاشياء اللي بنواجها في حياتنا وكمان من اكتر الشكاوي الطبية المحيرة.

وذلك نظرا لاختلاف طريقة المرضي في التعبير عن طبيعة الشكوي وهل هي دوخة ام دوار ؟

طبعا لان فيه اختلاف بين الدوخة والدوار في الأسباب وكمان هيختلفوا في العلاج لاختلاف السبب.

اسماء مشابهة وتعبيرات المرضي عن الدوخة والدوار

الدوخة زي حاسس ان دماغي خفيفة زي حاسس اني هقع زي الدنيا بتلف بيا.

ازاي افرق بين الدوار والدوخة ؟

هتسال نفسك كذا سؤال :

*دوخة بسيطة ولا حاسس ان الدنيا بتلف حواليك ؟

*معاها غثيان "حاسس انك عاوز ترجع "أو بترجع ؟

*معاها ضعف في السمع ؟

*معاها زن أو وش في الدماغ ؟

ما هي الدوخة "Dizziness "؟

الدوخة البسيطة ممكن يبقي معاها غثيان بس مفيش مشكلة في السمع أو وش "غالبا المشكلة بتبقي بسيطة وبتروح لوحدها"

أشهر أسباب الدوخة :

*انخفاض الضغط بعد القيام أو الجلوس من وضع النوم فجأة "orthostatic hypotension "

*نقص السكر في الدم لو مريض سكر او بذل مجهود كبير بدون تناول اكل "Hypoglycemia "

*انيميا في الدم خصوصا لو شاحب أو ضعيف "Anemia "

*عندك "كحة أو أوح أو عطس أو الم في الزور او سخونية أو تكسير في العضم"

في حالات كتيره بتبقا جاية بدوخة بسبب دور برد

*بعض مشاكل القلب زي عدم انتظام ضربات القلب ممكن يعمل دوخة مفاجأة.

عشان كده يفضل في السن الكبير انك تشوف النبض وتعمل فحص لقلبك وتعمل رسم قلب

*نقص في الدم الواصل الي المخ ياخد عده دقائق ثم يختفي. وديه لو معاها اعراض تانية زي تلعثم في الكلام أو اعوجاج في الفم أو مشكلة في الرؤية يبقا ده نظير عن حدوث جلطة ولازم يتواجد لها حل باسرع وقت

*لو واحدة ست متجوزة ومنتظرة حمل لازم تعمل اختبار حمل منزلي لأنه ممكن يكون سبب الدوخة هو الحمل.

ديه كانت أهم أسباب الدوخة.

الدوار "Vertigo ":

أعراض الدوار :

هتحس ان الدنيا بتلف حوالين المريض؛ غثيان أو ترجيع واحيانا ضعف في السمع أو وش

"ممكن يبقي فيه مشكلة في الأذن الداخلية ويجب زيارة طبيب اخصائي انف وأذن وحنجرة.

اهم اسباب الدوار :

*نوبات دوخة لمدة ثواني أو دقائق غالبا عند التقليب في السرير أو القيام من السرير صباحا.

ويسمي "Benign paraxysmal positional vertigo "وده من أشهر الأسباب

*التهاب في الأذن الداخلية غالبا بيجي بعد دور برد أو انفلونزا "viral labyrinthitis ".

علاج الدوار والدوخة :

لازم التأكد أنه مفيش سبب واضح للدوخة أو الدوار.

بعض الدكاترة بتكتب أدوية بتحسن من الدم الواصل الشعيرات الدموية في الأذن وبتجيب نتائج كويسة.

علاج الدوخة والدوار :

*Betaserc

*Verserc

*Microseric

استخدام العلاج : قرص ٣ مرات يوميا "عند حدوث تحسن تقل الجرعة الي قرص صباحا ومساءا "

*Stugeron

ده يستخدم قرص ٣ مرات يوميا بعد الاكل.

ملخص الكلام عن الدوخة والدوار "To summerize it":

لو حسيت بدوخة أو دوار :

طب الافضل انك تستشير طبيب قبل ما تاخد اي دواء لكي يتم التأكد من عدم وجود سبب واضح للدوخة والدوار.

الصفحات

الطب online

داخل المقالة

أسباب الدوخة والدوار وماهي أعراض الدوار والدوخة وعلاج الدوار والدوخة