أضرار الشيشة ؟!
ديما في اقتناع تام من الناس ان الشيشة أخف وأمن من السجاير ؟! ويما يقولك ياعم انا بشرب شيشة بس مش بشرب سجاير ؟
طب ده صح ولا غلط.
هل فعلا الشيشة أضرارها أخف من السجاير
هذا ما سنتعرف عليه في الأسطر القادمة..
شرب الشيشة مرة في الاسبوع :
أثبتت الدراسات ان دخان حجر الشيشة الواحد بيبقا فيه كمية مواد سامة تستنشق تساوي الكمية الموجودة في 100 سيجارة.
أضرارا الشيشة :
*مشاكل في وظائق الرئتين زي الانسداد الرئوي المزمن
*مشاكل في القلب زي الذبحة القلبية
*مشاكل زيادة احتمالية الاصابة بالسرطان وخاصة الرئة والفم والبلعوم
*كمان بيزود أعراض الشيخوخة المبكرة
اللي بتظهر علي الجلد نتيجة التبغ اللي بيتم استنشاقه في الشيشة فذلك يؤدي الي تقليل كمية الاكسجين اللي بتوصل للجلد
*وبيزود كمان خطر الاصابة بالامراض المعدية
اضرار الشيشة علي المعدة:
الشيشة بتؤدي الي العديد من أمراض المعدة زي قرحة المعدة ومشاكلها
كما انها بتزود خطر الاصابة بسرطان المعدة الذي يغتبر من أخطر أنواع السرطان لانه لا يعلن عن نفسه الا في المراحل المتقدمة
أضرار الشيشة للرجل :
طبعا الشيشة مش بتفرق في أضرارها بين الرجل والست والطفل والشاب بس هي بتاثر علي الرجل في حاجة خاصة وانها تزود احتمالية الاصابة بالغقم لدي الرجال والضعف الجنسي وغيره من المشاكل الجنسية.
أضرار الشيشة والمعسل :
كمان من أكتر أخطار الشيشة ان مشاركة الشيشة اللي بتبقا موجودة في لبقهاوي والكافيهات بتزود انتشار الامراض المعدية وخاصة المتعلقة بالجاز التنفسي وخاصة السل "الدرن" من أعظم الأسباب اللي أدت حاليا عودة انتشار السل وفي الأيام الحالية لها دور هام في انتشار فيروس الكورونا مما أدي الي منع الشيشة بواسطة الحكومة لتقليل انتشار الفيروس.
أضرار النرجيلة علي البشرة "
النرجيلة اسم من أسماء الشيشة. وزي ما قلنا انها بتؤدي الي ظهور أعراض الشيخوخة المبكرة أي انها تؤدي الي تدهور البشرة ومشاكل كثيرة نتيجة تقليل الاكسجين الواصل لخلايا الجلد.
شرب الشيشة لأول مرة:
هل الشيشة ادمان؟ الاجابة، ايوا الشيشة ادمان عشان بتحتوي علي النيكوتن الموجود في السجاير وهو المسبب للادمان.
أضرار الشيشة الالكترونية:
ظهرت منذ فترة الشيشة الالكترونية اللي بتعتمد علي الحرارة بدلا من الفحم والتبغ.
أثبتت الدراسات ان دخان الشيشة الالكترونية بيقتل حوالي 80 في الميه من خلايا الرئة في خلال 24 ساعة بس لسه الطريقة اللي بتعمل بيها الشيشة الالكترونية الاضرار مش واضحة ومش مؤكدة لحد الان.
وختاما: صحتك أهم من الشيشة حاول تستغل الفترة اللي احنا فيها دلوقتي وتبطل الشيشة عشان أضرار الشيشة كتيرة وانتا اللي هتخسر صحنك علي حاجة ملهاش لازمة.
تعليقات: 0
إرسال تعليق